الشحن
مناطق التوصيل
- بنوصل داخل القاهرة والجيزة وكل محافظات جمهورية مصر العربية.
- رسوم ومدة التوصيل ممكن تختلف حسب المحافظة، المنطقة، وحجم الشحنة.
- لو العنوان خارج نطاق تغطية شركة الشحن، فريق خدمة عملاء Youri هيتواصل مع العميل علشان نوصل لحل مناسب قبل تأكيد الطلب.
تجهيز الطلبات
- الطلبات بتتجهز خلال 1–2 يوم عمل بعد تأكيد الطلب.
- الطلبات اللي بتتعمل خلال الإجازات الرسمية، المواسم المزدحمة، أو فترات العروض ممكن تحتاج وقت إضافي للتجهيز.
- من حق Youri إلغاء أو تعديل الطلب في بعض الحالات، زي:
- المنتج غير متوفر.
- تعذّر التأكد من بيانات العميل.
- وجود خطأ واضح في السعر أو معلومات المنتج.
وفي كل الحالات، هنتواصل مع العميل قبل اتخاذ أي إجراء.
مدة التوصيل
- القاهرة والجيزة: من 2–4 أيام عمل بعد تجهيز الطلب.
- باقي محافظات مصر: من 3–7 أيام عمل بعد تجهيز الطلب.
- المدد دي تقديرية، وممكن تتأثر بظروف شركة الشحن، الإجازات الرسمية، الطقس، أو المناطق البعيدة عن نطاقات التوصيل المعتادة.
رسوم الشحن
- رسوم الشحن النهائية بتظهر بوضوح أثناء الـCheckout قبل تأكيد الطلب.
- ممكن Youri تقدم شحن مجاني فوق قيمة طلب معينة أو خلال عروض محددة، حسب شروط كل عرض وقتها.
- رسوم الشحن ورسوم الدفع عند الاستلام، لو موجودة، غير قابلة للاسترداد إلا لو سبب الإرجاع خطأ من Youri، أو المنتج وصل تالف أو مختلف عن الطلب.
استلام ومراجعة الطلب
- ياريت تتأكد إن الاسم، رقم الموبايل، والعنوان كامل مكتوبين بشكل صحيح علشان نتجنب أي تأخير في التوصيل.
- وقت الاستلام، يفضل تتأكد من حالة الشحنة وإن المنتجات مطابقة لطلبك.
- لو استلمت منتج غلط، ناقص، أو تالف، صوّر المنتج والتغليف الخارجي وتواصل معانا خلال 24 ساعة من الاستلام عن طريق واتساب أو البريد الإلكتروني.
الطلبات اللي ما تمش استلامها
- لو شركة الشحن ما قدرتش توصل للعميل، أو التوصيل فشل بسبب عنوان أو رقم موبايل غير صحيح، ممكن الطلب يرجع لمخزننا.
- في الحالة دي، ممكن Youri تطلب دفع رسوم شحن جديدة قبل إعادة إرسال الطلب.
- من حق Youri تقييد أو إيقاف خيار الدفع عند الاستلام للحسابات اللي بيتكرر منها عدم استلام الطلبات، من غير إشعار مسبق.